Цифрлық кеніш жасап, миллион теңге ұтып ал! «OpenEgiz платформасындағы цифрлық кеніш» байқауы
📍 Онлайн · 📅 жұмыстарды қабылдау 2026 жылғы 25 қазанға дейін · финал 2026 жылғы 31 қазан
Әл-Фараби атындағы Қазақ ұлттық университетінің Ақпараттық технологиялар және жасанды интеллект факультетінің DigitalEgiz зертханасы бас жүлдесі 1 000 000 теңгені құрайтын «OpenEgiz платформасындағы цифрлық кеніш» атты ашық байқау жариялайды.
Қатысушыларға ашық OpenEgiz платформасында тау-кен кәсіпорнының цифрлық егізін әзірлеу ұсынылады. Байқау өндірістік процестерді модельдеу, деректерді талдау және өнеркәсіптік нысандардың жұмысын болжау үшін заманауи цифрлық технологияларды тәжірибеде қолдануға бағытталған.
Жұмыстарды қабылдау — 2026 жылғы 25 қазан, сағат 23:59-ға дейін
⛏️ Байқау тапсырмасы
Кеніштің немесе оның жекелеген нысандарының – ашық карьердің, шахтаның, байыту фабрикасының цифрлық моделін жасау. Әзірлеушілер өз жобаларының функционалдық модульдерін дербес анықтайды. Олар жабдықтардың жұмысын, көлік процестерін, желдету жүйесін және басқа да өндірістік жүйелерді модельдей алады. Сондай-ақ кәсіпорын жұмысындағы өзгерістердің ықтимал салдарын бағалауға мүмкіндік беретін «егер … болса, не болады?» («what if») сценарийлерін іске асыра алады.
👥 Кімдер қатыса алады
Байқауға барлық ниет білдірушілер қатыса алады. Жеке қатысуға немесе төрт адамға дейінгі команда құруға болады. Жасанды интеллект технологияларын қоса алғанда, кез келген әзірлеу құралдарын пайдалануға рұқсат етіледі. Байқауға ұсынылатын жұмыстар қазақ, орыс және ағылшын тілдерінде қабылданады.
🤖 ЖИ-қазылар алқасы
Жобаларды жасанды интеллект модельдерінен құралған қазылар алқасы бағалайды. ЖИ-төрешілер ұсынылған әзірлемелерді алдын ала белгіленген критерийлер бойынша сараптайды:
- кеніштің цифрлық моделінің толықтығы;
- өндірістік процестерді модельдеудің шынайылығы;
- визуализация сапасы;
- «егер … болса, не болады?» сценарийлерінің іске асырылуы;
- модульдердің функционалдық мүмкіндіктері;
- жобаның таныстырылымы.
Ең жоғары баға – 100 балл.
🏆 Финал және жүлделер
Іріктеу кезеңінің қорытындысы бойынша үздік он жоба YouTube платформасында тікелей эфирде өтетін финалға жолдама алады. Жеңімпазға 1 000 000 теңге табысталады. Екінші және үшінші орын алған командалар дипломдармен марапатталып, DigitalEgiz зертханасында тағылымдамадан өту немесе жұмысқа орналасу туралы ұсыныс алады.
📅 Негізгі күндер
- 2026 жылғы 25 қазан, сағат 23:59 – тіркелу және байқауға ұсынылатын жұмыстарды қабылдау аяқталады;
- 26–30 қазан – іріктеу кезеңі, бағалау нәтижелерін жариялау және апелляцияларды қарау;
- 31 қазан – байқаудың тікелей эфирдегі финалы.
📝 Қалай қатысуға болады
Қатысу үшін ресми тіркеу нысаны арқылы тіркеліп, әзірленген жобаны ұйымдастырушылардың талаптарына сәйкес команданың GitHub репозиторийінде ұсыну қажет.
Байқау қатысушыларға жасанды интеллект, цифрлық модельдеу және өнеркәсіп міндеттерін шешуге қолданылатын бағдарламалық шешімдерді әзірлеу саласындағы құзыреттерін көрсетуге мүмкіндік береді.
Байқау ережесі мен тіркелу – байқау сайтында.
