Жоба: BR24992975 – «Жасанды интеллект және IIoT технологияларын пайдалана отырып, тамақ өнеркәсібі кәсіпорнының цифрлық егізін дамыту»

Біз – тек тамақ өнеркәсібі емес, жалпы өндіріс саласына арналған цифрлық егіздер зертханасымыз.

Зертханамыз әл-Фараби атындағы Қазақ ұлттық университетінің базасында, Жасанды интеллект және үлкен деректер департаментінде жұмыс істейді. Қазіргі таңда біз сенімді серіктестерді іздейміз:

• азық-түлік өндірушілерін,

• жабдық жеткізушілері мен өндірушілерін,

• автоматтандыру және цифрландыру саласындағы компанияларды.

Біз не үшін сізбен байланысқа шығамыз?

Біздің мақсатымыз – өндіріспен тікелей байланыс орнату: компаниялардың алдында тұрған нақты мәселелерді түсіну және студенттерге оларды шешуге мүмкіндік беру. Алдымен бұл тапсырмалар оқу үдерісінің бір бөлігі ретінде орындалады, кейіннен ақылы жобаларға айналады. Бұл барлық тараптарға тиімді:

• Сіздер үшін – себебі сіздер күнделікті және зерттеу сипатындағы міндеттерді делегирлей аласыздар: цифрландыру, деректерді талдау, есептеу, визуализация, модельдер мен прототиптер құрастыру және т.б.

• Студенттер үшін – олар нақты тәжірибе жинақтап, оқу барысында табыс табуға мүмкіндік алады.

• Біз үшін, зертхана ретінде – бұл нарықпен үздіксіз байланыста болу және еңбек нарығына қажетті мамандарды даярлау мүмкіндігі.

Біз қарапайым тапсырмалардан бастап ғылыми деңгейдегі жобаларға дейін жылдам, тиімді және баршаға пайдалы түрде орындауға болатын студенттік тапсырыстар хабын құрғымыз келеді.